ދިވެހިންގެ ތެރޭގައި މަޝްހޫރު ފިޒީ ބުއިމެއް ކަމަށްވާ "ފިޒީ އެޕަލް"ގެ ބެޗަކުން މަރުވެފައިވާ ސުއިއްޕެއް ފެނިފައިވާކަމަށް މޯލްޑިވްސް ފުޑް އެންޑް ޑްރަގް އޮތޯރިޓީއިން ބުނެފި އެވެ.
ފުޑް އެންޑް ޑްރަގް އޮތޯރިޓީގެ ނޫސް ބަޔާނުގައި ވާގޮތުން މި މަރުވެފައިވާ ސޫފި ފެނިފައިވަނީ B. No 0202 PKD 020819 ބެޗުންނެވެ. އަދި މި ބެޗުން ސޫފި ފެނުމުގެ ސަބަބުން ރައްކާތެރިކަމުގެ ގޮތުން މި ބެޗް ރިކޯލް ކުރުމަށް ނިންމާފައިވާ ކަމަށްވެސް އެ އޮތޯރިޓީއިން ވަނީ ބުނެފަ އެވެ. މި ޕްރޮޑަކްޓްގެ ރައްކާތެރިކަމަށް ތަފާތު ބެޗްތަކުން ސާމްޕަލް ނަގައި އިތުރަށް ޗެކް ކުރަމުންދާ ކަމަށްވެސް އޮތޯރިޓީއިން ވަނީ ބުނެފަ އެވެ.
މީގެއިތުރުން "ފިޒީ އެޕަލް"ގެ މި ބެޗު ނުވިއްކުމަށްވެސް އެމްއެފްޑީއޭ އިން ވަނީ އެދިފަ އެވެ. އަދި އިތުރު މައުލޫމާތު ހޯދުމަށް ރަސްމީ ގަޑީގައި އެމްއެފްޑީއަށް ގުޅުމަށްވެސް މި ނޫސް ބަޔާނުގައި އެ އޮތޯރިޓީން ވަނީ އާއްމުންގެ ކިބައިން އެދިފަ އެވެ.
"ފިޒީ އެޕަލް" މި ބުއިމަކީ "އެޑަމްސް މޯޖޯ ފިޒް"ގެ ބްރޭންޑެކެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)