ހޯޕް އެންޑް ސަޕޯޓް ސޮސައިޓީއިން އިސްނަގައިގެން ވިހެއުމާއި ގުޅިގެން ދިމާވާ ޑިޕްރެޝަން އަދި އެންޒައިޓީ (ޕޯސްޓްޕާރޓަމް ޑިޕްރެޝަން) ތަހައްމަލް ކުރަމުންދާ އަންހެނުންނަށް ހާއްސަކޮށް ސެޝަންއެއް ބޭއްވުމަށް ނިންމައިފި އެވެ.
Registration is open for upcoming peer support group for postpartum depression. Limited seats available. https://t.co/C2KTXlHwm8 pic.twitter.com/7HaFC4dvN0
— Hope and Support Society (@hassmv) February 11, 2020
21 ފެބްރުއަރީ ވާ ހުކުރުދުވަހު ބޭއްވުމަށް ހަމަޖެހިފައިވާ މި ސެޝަން ކުރިއަށް ގެންދިއުމަށް ހަމަޖެހިފައިވަނީ ދެ ބަޔަކަށް ބަހާލައިގެންނެވެ. އެގޮތުން ފުރަތަމަ ބައި ކުރިއަށް ގެންދާނީ ޕޯސްޓްޕާރޓަމް ޑިޕްރެޝަން އެންޑް އެންޒައިޓީ ސަޕޯޓު ގްރޫޕެއްގެ ގޮތުގައި ކަމަށް އެ އެންޖީއޯގެ ފައުންޑަރ އައިޝަތު ޝަނިއްޔާ (އައިޝާ) ވިދާޅުވި އެވެ.
އައިޝާ އިތުރަށް ވިދާޅުވި ގޮތުގައި ސަޕޯޓް ގްރޫޕްގެ ބައި ހާއްސަކޮށްފައިވާނީ ވިހެއުމާއި ގުޅިގެން ޑިޕްރެޝަން އަދި އެންޒައިޓީ ތަހައްމަލްކުރަމުންދާ ބައިވެރިންގެ އިހްސާސްތައް އެކަކު އަނެކަކާއި ހިއްސާކޮށް މަޝްވަރާ ކުރުމަށެވެ.
އަދި ދެވަނަ ބައިގައި ސައިކޮލޮޖީ ދާއިރާއިން މާސްޓާރސް ހާސިލްކޮށްފައިވާ އައިޝަތު ޝިފްނީގެ ހާއްސަ މައުލޫމަތު ސެޝަނެއް ކުރިއަށް ގެންދިއުމަށްވަނީ ހަމަޖެހިފަ އެވެ. މި މައުލޫމާތު ސެޝަންވެސް ހާއްސަކޮށްފައިވާނީ ހަމަ ޕޯސްޓްޕާރޓަމް ޑިޕްރެޝަން އަދި އެންޒައިޓީއަށް ކަމަށް އައިޝާ ވަނީ ވިދާޅުވެފަ އެވެ.
ހޯޕް އެންޑް ސަޕޯޓް ސޮސައިޓީއަކީ ނަފްސާނީގޮތުން ކުރިމަތިވާ ތަފާތު ބަލިތަކާއި ގުޅޭގޮތުން އާއްމުންގެ ހޭލުންތެރިކަން އިތުރުކޮށް އަދި އިތުރަށް ހިތްވަރު ދިނުމުގެ ގޮތުން އެކުލަވާލައިފައިޥަ އަމިއްލަ އެންޖީއޯއެކެވެ. މި އެންޖީއޯ އިން މީގެކުރިންވެސް މިފަދަ ގިނަ ސެޝަންތަކެއް ކުރިއަށް ގެންގޮސްފައިވާއިރު މިމަހު ކުރިއަށް ގެންދަން ހަމަޖެހިފައިވަނީ މީގެ 12 ވަނަ ސެޝަން އެވެ.
ދާދިފަހުން އެ އެންޖީއޯ އިންވަނީ މ. މުލަކުގައި ކުޑަކުދިންނަށް ކުރާ ޖިންސީ ގޯނާ/ފުރައްސާރަ އާއި ގުޅޭގޮތުންވެސް ހާއްސަ ސެޝަންތަކެއް ކުރިއަށް ގެންގޮސްފަ އެވެ.
ޕޯސްޓަޕާރޓަމް ޑިޕްރެޝަންއަށް ހާއްސަކޮށް މިމަހު ކުރިއަށް ގެންދިއުމަށް ހަމަޖެހިފައިވާ ސެޝަންގައި ބައިވެރިވުމުގެ ފުރުސަތު ވަނީ ހުޅުވާލާފަ އެވެ.
އެގޮތުން މި ލިންކް މެދުވެރިކޮށް ސެޝަންގައި ރެޖިސްޓާރ ވެވޭނެކަމަށް އައިޝާ ވިދާޅުވި އެވެ.
އދި ވައިބާ ގްރޫޕަށް ވަންނަން ބޭނުންވާ މީހުން ހޯޕް އެންޑް ސަޕޯޓް ސޮސައިޓީގެ ޓްވިޓާގައި ވާ ލިންކް މެދުވެރިކޮށް ވަދެވޭނޭ ކަމަށްވެސް އައިޝާ ވަނީ ވިދާޅުވެފަ އެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)