މިއަދު އިތުރު ދެ މީހަކު ހިމަ ބިއްސަށް ޕޮސިޓިވް ވެއްޖެކަން ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ކަށަވަރުކޮށްދީފިއެވެ.
އެޗްޕީއޭ އިން ކުރި ޓްވީޓެއްގައި ބުނެފައިވަނީ މިއަދު ޓެސްޓު ކުރެވުނު ނުވަ މީހުންގެ ތެރެއިން ދެ މީހުން ހިމަ ބިއްސަށް ޕޮސިޓިވް ވެފައިވާ ކަމެވެ. އަދި އިއްޔެ ޓެސްޓު ކުރެވުނު ނުވަ މީހުންގެ ތެރެއިން އެއްވެސް މީހަކު ޕޮސިޓިވް ނުވާ ކަމަށްވެސް އެޗްޕީއޭ އިން ބުންޏެވެ.
އިއްޔެ (22.01.2020) ހިމަބިއްސަށް ޓެސްޓު ކުރެވުނީ 9 ފަރާތެއް. އެއްވެސް ފަރާތެއް ހިމަބިއްސަށް ޕޮސިޓިވްވެފައެއް ނުވޭ.
— HPA Maldives (@HPA_MV) January 23, 2020
މިއަދު (23.01.2020) ހިމަބިއްސަށް ޓެސްޓު ކުރެވުނީ 9 ފަރާތެއް. އޭގެ ތެރެއިން 2 ފަރާތެއް ވަނީ ހިމަބިއްސަށް ޕޮސިޓިވްވެފައި. @MoHmv
މިއާއެކު މިހާތަނަށް ރާއްޖެއިން ހިމަބިއްސަށް ޕޮސިޓިވް ވި މީހުންގެ އަދަދު 6 އަކަށް އަރައިފިއެވެ. މިއަދު މިބައްޔަށް ޕޮސިޓިވް ވި މީހުންގެ މައުލޫމާތެއް އެޗްޕީއޭ އަކުން އަދި ހިއްސާއެއް ނުކުރެއެވެ.
މީގެ އިތުރުން މިއަދު ހެލްތު މިނިސްޓްރީގައި ބޭއްވި ޖަލްސާއެއްގައި ވަނީ އިންޑިއާ ސަރުކާރުން 30،000 ޑޯޒްގެ ހިމަ ބިހި ވެކްސިން މިނިސްޓްރީއާއި ހަވާލުކޮށްފައެވެ.
ހެލްތު މިނިސްޓްރީން އިއްޔެ ވަނީ 6-7 ދުވަސް ތެރޭގައި ޤައުމީ ވެކްސީން ދިނުމުގެ ކެމްޕެއިންއެއް ހިންގާނެކަމަށް އިއުލާނުވެސް ކޮށްފައެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)