ވެލާ ޕްރައިވެޓް އައިލެންޑްގެ 6 ވަނަ އަހަރީ ދުވަސް ފާހަގަ ކުރުމުގެ ގޮތުން 3 އެންޖީއޯއަކަށް ދެލައްކަ ފަންސާސްހާސް ރުފިޔާ ހަދިޔާ ކޮށްފިއެވެ. ވެލާއިން ބުނިގޮތުގައި މިއީ މިގޮތަށް އެހީވެދެވޭ 2 ވަނަ އަހަރެވެ. އަދި މި 3 އެންޖީއޯ އަކީ ތެލެސީމިޔާ ސޮސައިޓީ، ކެއަރ ސޮސައިޓީ އަދި ކެންސަރ ސޮސައިޓީ އެވެ.
ވެލާއިން މިވެދިން އެހީއާއި ގުޅޭގޮތުން ތެލެސީމިޔާ ސޮސައިޓީއިން ބުނެފައިވަނީ އަމިއްލަ ކުންފުނިތަކުން އެހީތެރިކަން ފޯރުކޮށްދިނުމަކީ އެއެންޖީއޯއިން ކުރަމުން އަންނަ މަސައްކަތް ދެމެހެއްޓެނިވިގޮތެއްގައި ކުރުމަށް ވަރަށް މުހިންމުކަމެއް ކަމަށެވެ. މީގެކުރިންވެސް އެކި ކުންފުނިތަކުން ތެލެސީމިޔާ ސޮސައިޓީއަށް ވަނީ މިފަދަ އެހީތައް ފޯރުކޮށްދީފަ އެވެ.
Thank you @velaaisland for the generous contribution of MVR 250,000 to our society. Private donations are important to sustain the important work we do to improve the quality of life of Thalassaemia patients and to ensure equal opportunities for them. #velaaisland #thalassaemia pic.twitter.com/jkBgM2sxrz
— MaldivianThalSociety (@mvthalsociety) January 23, 2020
1994ވަނަ އަހަރު އުފައްދާފައިވާ ތެލެސީމިޔާ ސޮސައިޓީއިން ބުނިގޮތުގައި މިފަދަ އެހީތަކަކީ ތެލަސީމިޔާ ކުދިންނަށް ހަމަ ހަމަ އަދި ރަނގަޅު ފުރުޞަތުރަކެއް ހޯދައިދިނުމަށް ލިބިގެންދިޔަ އިތުރު ފުރުޞަތެއްކަމަށެވެ. އަދި ވެލާއިން ފޯރުކޮށްދިން ފައިސާގެ އެހީއަށް އެ ސޮސައިޓީއިން ވަނީ ޝުކުރު އަދާކުރައްވާފަ އެވެ.
ވެލާއިން މިވެދިން އެހީއަށް ޝުކުރު އަދާކުރަމުން ކެއަރ ސޮސައިޓީ އިން ބުނީ މިއެހީގެ ސަބަބުން އިތުރު އެތައް ބަޔަކަށް އެހީތެރިކަން ފޯރުކޮށްދިނުމަށް މިއީ ލިބުނު ފުރުސަތެއް ކަމަށެވެ. އަދި ހިންގަން ތައްޔާރަށް ހުރި ޕްރޮގްރާމްތަކާއި ހިދުމަތްތައް ވަރުގަދަ ކުރުމާއި ނުކުޅެދުންތެރިކަން ހުރި މީހުންނަށް އެހީތެރިވެދިނުމަށް މިއެހީ ބޭނުން ކުރެވޭނެ ކަމަށެވެ.
ކެންސަރ ސޮސައިޓީއިން ވެލާއިން ލިބުނު އެހީއާއި ބެހޭގޮތުން ބުނީ މިފަދަ އެހީތަކުގެ ސަބަބުން އެސޮސައިޓީއިން ހިންގާ ހަރަކާތްތަކަށް އެއްބާރުލުން ލިބުމާއި، ހާސިލްކުރަން ބޭނުންވާ ލަނޑުދަޑިތައް ހާސިލްކުރުމުގެ ފުރުސަތު ލިބުމުގެ އިތުރުން މުޖުތަމައުގައި ކެންސަރުން ލިބޭ ގެއްލުންތައް މަދުކުރުމަށް މަސައްކަތް ކުރެވޭނެ ކަމަށެވެ.
Thank you @velaa_island for your generous donation to #CSM for the second year.
— Cancer Society of Maldives (@CancerSocietyMV) January 23, 2020
Contributions such as yours inspire us to do more and make it possible for us to conduct our activities to achieve the goals of CSM and to reduce the impact of cancer in our communities. pic.twitter.com/LAKlVvtp8a
މީގެ އިތުރުން ކެންސަރ ސޮސައިޓީއިން ވަނީ މިދިޔަ އަހަރު ވެލާއިން ވިއެހީގެ ސަބަބުން ރާއްޖޭގައި 18 ރަށެއްގައި އަދި މާލޭގެ 6 ތަނެއްގައި މައުލޫމާތު ސެޝަންތައް ބާއްވާ 4،800 މީހުން ސްކްރީން ކުރެވިފައިވާކަން ފާހަގަކޮށްފައެވެ. އަދި 150 މެމްބަރުން އެކުލެވޭ ކެންސަރ ސަޕޯޓް ގްރޫޕްގެ 55 ބައްދަލުވުން މިހުސްވި އަހަރު ބޭއްވުނު އިރު 15 ސައިކޯސޯޝަލް ސަޕޯޓް ސެޝަންވެސް ވަނީ ބާއްވާފައެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)