ރާއްޖޭގެ ހޮސްޕިޓަލެއްގައި ނެބިއުލައިޒާ ފަރުވާއަށް ބޭނުންކުރާ މާސްކް ރީ-ޔޫސްކުރާ މައްސަލައެއް ފެންމަތިވެއްޖެ އެވެ. އެނގިފައިވާ ގޮތުގައި ނެބިއުލައިޒާ މާސްކް ރީ-ޔޫސްކޮށްފައިވަނީ ގއ. ވިލިގިލީގައި ހުންނަ އެއަތޮޅު ހޮސްޕިޓަލްގަ އެވެ.
މި މައްސަލަ ފެންމަތިވެފައިވަނީ މިކަން ދިމާވިކަމަށް ބުނާ ފަރާތާއި ހަވާލާދީ، އެހެން ފަރާތަކުން ކޮށްފައިވާ ޓްވީޓްއަކާއި ގުޅިގެންނެވެ. މި ޓްވީޓްގައިވާ ގޮތުން ގއ. ހޮސްޕިޓަލްގެ މުވައްޒަފަކު ނެބްލައިޒޭޝަނަށް ބޭނުންކުރާ މާސްކް ރީ-ޔޫސްކުރާތަން ޓްވީޓްކުރި ފަރާތުގެ ބެސްޓްފްރެންޑަށް ފެނިފައިވާކަމަށް ވަނީ ބުނެފަ އެވެ. އެގޮތުން އެ ހޮސްޕިޓަލްގެ މުވައްޒަފަކު އެއް ފަހަރު ބޭނުންކުރާ މާސްކް އިސްކުރު ފެނުން ދޮވުމަށްފަހު އަނެއްކާވެސް ބޭނުންކުރާކަމަށް ވަނީ ބުނެފަ އެވެ. އަދި ޓްވީޓްގައި ވާގޮތުން، މިކަމާއި ގުޅިގެން އެ މުވައްޒަފާއި ސުވާލުކުރުމުން، އޭނާ ބުނެފައިވަނީ ދުވާލެއްގެ މައްޗަށް އެ ހޮސްޕިޓަލަށް ގާތްގަނޑަކަށް 25 މީހުން ނެބްލައިޒްކުރުމަށް އަންނައިރު، ނެބްލައިޒޭޝަނަށް ދުވާލަކަށް ލިބެނީ 15 މާސްކްކަމަށެވެ.
So my bestfriend witnessed the GA. Atoll hospital staff reusing nebulisation masks, they wash it with tap water and then use it again.
— Bumbling Paladin (@MannuMellow) January 2, 2020
When asked, they told her that they only get about 15 masks compared to the daily 25 or so patients that come in to use them.
މިކަމާއި ގުޅިގެން ގއ. ވިލިގިލީ ހޮސްޕިޓަލްގެ ޑިރެކްޓަރއަށް ގުޅާލުމުން އެބޭފުޅާ ވަނީ އެ ވާހަކަތަކުގައި އެއްވެސް ހަގީގަތެއް ނުވާކަމަށް ވިދާޅުވެފައެވެ.
އެހެންނަމަވެސް ހެލްތް މިނިސްޓަރީގެ ކޮމިއުނިކޭޝަން ޑިރެކްޓަރ ވަނީ އެފަދަ ރިޕޯޓެއް އެ މިނިސްޓްރީއަށް ލިބިފައިވާ ކަމަށް ވިދާޅުވެފަ އެވެ. އަދި އެކަން އިތުރަށް ބަލަމުންދާކަމަށްވެސް ވަޖުދާ ވަނީ ވިދާޅުވެފަ އެވެ.
ފެންމަތިވެފައި މިވާ މައްސަލަ އާއި ގުޅިގެން ޑޮކްޓަރ އެމްވީ އިން މިކަން ހިނގިތަން ފެނުނު ފަރާތަށް ގުޅާލުމުން، އެ ހާދިސާ އެގޮތަށް ހިނގާފައިވާކަން ވަނީ ޔަގީންކޮށްދީފަ އެވެ. އަދި ޓްވީޓްގައި ވާގޮތަށް އެ ފަރާތުން ވަނީ ހާދިސާ ސިފަކޮށްދީފައެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)