އާއްމުތަންތަނުގައި ދުންފަތުގެ އިސްތިއުމާލުކުރުމާއި ދެކޮޅަށް ކުރިއަށް ގެންދާ "އަހަރެން ދެކޮޅު" ކެމްޕެއިންގެ ޕެޓިޝަނުގައި މިނިސްޓަރ އޮފް ހެލްތް އަބްދުﷲ އަމީން ސޮއި ކުރައްވައިފި އެވެ.
ރާއްޖޭގެ 50 އަށްވުރެ ގިނަ އެންޖީއޯތައް ގުޅިގެން ހިންގާ މި ކެމްޕެއިންގައި މިހާތަނަށް ގިނަ ބަޔަކު ސޮއިކޮށްފައިވާއިރު، ސަރުކާރުގެ އިސްވެރިންވެސް ވަނީ މި ޕެޓިޝަންގައި ސޮއިކޮށްފަ އެވެ. މީގެއިތުރުން ހެލްތް މިނިސްޓަރ މި ޕެޓިޝަނުގައި ސޮއި ކުރުމަކީ ކާމިޔާބީގެ އިތުރު ހަރުފަތަކަށް ފޯރުން ފަދަ ކަމެއްގެ ގޮތަށް "އަހަރެން ދެކޮޅު" ކެމްޕެއިންގެ މީޑިޔާ އޮފިޝަލް ޒިދާން މުހައްމަދު ވަނީ ފާހަގަކޮށްފަ އެވެ.
މި ކެމްޕެއިންގެ އަމާޒަކީ އާއްމުތަންތަނުގައި ދުންފަތުގެ އިސްތިއުމާލުކުރުން ހުއްޓުވުން ކަމަށްވެސް މީޑިޔާ އޮފިޝަލް ވަނީ ބުނެފަ އެވެ. އަދި މި އަހަރު ނޫނީ އަންނަ އަހަރުގެ ކުރީކޮޅުގައި މި ޕެޓިޝަން ރައްޔިތުންގެ މަޖިލީހަށް ހުށަހަޅާނެއެވެ. މީޑިޔާ އޮފިޝަލް އިތުރަށް ފާހަގަ ކުރި ގޮތުގައި ރައްޔިތުން މަޖިލީހަށް ޕެޓިޝަން ހުށަހެޅުމަށް ފަހުގައިވެސް މިކަމަށް ހޭލުންތެރި ކުރުވުމަށް ގިނަ ކެމްޕެއިންތަކެއް ކުރިއަށް ގެންދިއުމަށް ހަމަޖެހިފައިވެއެވެ.
މި ޕެޓިޝަންގައި މިހާތަނަށް ސޮއިކުރައްވާފައިވާ ފަރާތްތަކުގެ ތެރޭގައި ފަސްޓް ލޭޑީ ފަޒްނާ އަހްމަދު އަދި ސަރުކާރުގެ ގިނަ މިނިސްޓަރުން ހިމެނެއެވެ.
Minister of Health Honourable @ameenex signed our petition.
— Aharen Dhekolhu (@AharenDhekolhu) November 9, 2019
It's a huge milestone and great progress in our campaign #AharenDhekolhu against smoking in public places. Thank you for the encouragement and involvement.@MoHmv@HPA_MV@ibusolih@MohamedNasheed@FaisalNasym pic.twitter.com/nafafZmJAc
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)