
"ކަރަންޓް ޑައިރެކްޝަންސް އިން ސައިކޮލޮޖިކަލް ސައެންސް" ގެ ނަމުން ނެރެމުންދާ މަޖައްލާގައި ޝާއިޢު ކުރެވިފައިވާ ދިރާސާއެއް ބުނާ ގޮތުގައި އެންމެ ގިނައިން ހަނދާންނެތޭ ނަމަވެސް ވަރަށް މުހިއްމު މިޒާޖީ ސިފައެއް ވެއެވެ. މި ސިފައަކީ ހިއުމިލިޓީއެވެ. ނުވަތަ ކިބުރުވެރިކަމުގެ އިދިކޮޅު ސިފައެވެ. ނުވަތަ ހިތްތިރިކަމެވެ.
މި ދިރާސާއިން ދައްކައިދިނީ ހިތްތިރިކަން މުހިއްމުވަނީ ކީއްވެ ކަމާއި މީހުންގެ ގައިގާ އެ ސިފަ ހުރުމުގެ މުހިއްމުކަމެވެ. އަދި މީގެއިތުރުން ހިތްތިރިކަމާއި ބެހޭގޮތުން މުސްތަޤްބަލުގައި ކުރެވިދާނެ ދިރާސާއާއިމެދު މަޝްވަރާ ކުރެވިފައިވެއެވެ.
"މި ޒަމާނުގައި "ހަމްބަލް" މި ބަސް ބޭނުން ކުރާލެއް ގިނަވުމުން އޭގައި ހުންނަ މަޑުމައިތިރި ރޫހު ގެއްލިގެންގޮސް މީސްމީޑިއާގައި ފާޑުކިޔުންތަކުގެ އަމާޒަކަށްވެއެވެ. ނުވަތަ އެއްއަށްވުރެ ނުރަނގަޅު ކަމަކާ ވެސް ކުރިމަތިލާން ޖެހިދާނެއެވެ." ބެނެޑިކްޓް ކެރީ، ދަ ނިއު ޔޯކް ޓައިމްސް ބުންޔެވެ.
ހިތްތިރިކަމަކީ ސޯޝަލް އަދި ޕާސަނާލިޓީ ސައިކޮލޮޖީގައި ދިރާސާ ކުރަމުން އަންނަ އައު ސިފައެކެވެ. މީގައި އެސިފައިގެ މާނަ އައިސްފައިވަނީ ތިބާގެ އަމިއްލަ ފެންވަރުތަކާއި ކަނޑައަޅުއްވާފައިވާ ވަރު އެންމެ ރަނގަޅަށް ދެނެގަންނަން އެނގުމާއި އަމިއްލަ މީހާއަށްވެރެ ބޮޑަށް އަހެންމީހުންނަށް އޯގާތެރިވާ މީހާގެ ސިފައިގެ ގޮތުގައެވެ.
މި ދިރާސާގައި ބެލި އެއް ސްޓަޑީގައި މީހުންގެ ކިބައިގައި އިންޓެލެކްޓުއަލް ހިއުމިލިޓީ ނުވަތަ ފިކުރީ ހިތްތިރިކަން ހުންނަ މިންވަރަށް ސްކޯ ކުރިއެވެ. މި މިންވަރު ބެލީ އެމީހުންގެ ހުންނަ ސިޔާސީ އަދި އިޖްތިމާއީ މައްސަލަތަކުގެ ރައުޔު ނުވަތަ ފިކުރު އެއީ އަމިއްލައަށް ގަބޫލުކުރާގޮތުގައި ކިހާވަރަކަށް ފުރިހަމަނޫން ނުވަތަ ރަނގަޅުނޫން ފިކުރެއްތޯ ބަލައިގެންނެވެ. މި ސްޓަޑީއިން ފާހަގަކޮށްލައިފައިވަނީ ހިތްތިރިކަމަކީ އެމީހަކު އުޅޭ ސިޔާސީ ޕާޓީ ނުވަތަ އެމީހެއްގެ އައި.ކިއު އާއި ގުޅިފައިވާ އެއްޗެއް ނޫންކަމަށާއި އެއީ ބަޑަށް އެމީހެއްގެ ކަންކަން ހޯދުމަށް ޝައުގުވެރިވާ މިންވަރާއި، ކަމާއި މެދު ފުންކޮށް ވިސްނާ މިންވަރު އަދި "އޮޕަން" ވިސްނުމާއި ގުޅިފައިވާ ސިފައެއް ކަމެވެ.
ބައެއް ދިރާސީ ފަންނުވެރިން ބުނާގޮތުގައި ހިތްތިރިކަމަކީ އައު ދިރާސާއަކަށް ވުމާއިއެކު އެސިފަ ދަސްކޮށްދިނުމާއި ސައިކޯތެރަޕީފަދަ ކަންކަމަށް އެކުލަވާކުމަކީ މުހިއްމުކަމެކެވެ. ނަމަވެސް، އެންމެ ބޮޑަށް މި ސިފަ ދަސްވާންޖެހޭ މީހުން، އެއީ ބޯޑަރލައިން ޕާސަނާލިޓީ ބަލި ހުންނަ މީހުން ނުވަތަ ނާސިސިސްޓިކް (އަމިއްލަވަންތަ، ކިބުރުވެރި) މީހުން، އެސިފަ ގަބޫލުނުކުރާކަމަށް މި ފަންނުވެރިން ފާހަގަކުރިއެވެ.
ހިތްތިރިކަމަކީ ކީރިތި ޤުރްޢާނުގައި ވެސް ގިނައިން އައިސްފައިވާ ސިފައެކެވެ. އަދި މި ސަފަ އަކީ އިސްލާމީ ރަނގަޅު އަހްލާގުގައި ވެސް ހިމަނާފައިވާ ސިފައެކެވެ. އިނގިރޭސި ބަހުގައި ހިތްތިރިކަން ނުވަތަ ހިއުމިލިޓީ އައިސްފައިވަނީ ލެޓިން ބަސް "ހިއުމަސް" އިންނެވެ. މި ބަހުގެ މާނައަކީ އެއްހަމަވުމެވެ. ވީމާ ހިތްތިރިވުމަކީ ތިބާ އެކީ އެހެންމީހުންނަށްވުރެ މޮޅު ނުވަތަ ދެރަމީހެއްކަމުގައި ނުދެކުމެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)