ތ. ވޭމަންޑޫ ގައި ހުންނަ ތ. އަތޮޅު ހޮސްޕިޓަލްގައި ޑެންޓަލް ޚިދުމަތް ދޭން ފަށައިފިއެވެ. 

ޑެންޓަލް ޚިދުމަތް އިފްތިތާހްކުރުމުގެ ރަސްމިއްޔާތުގެ ޝަރަފްވެރި މެޙްމާނަކީ ޑެޕިއުޓީ މިނިސްޓަރ ނިޝާމާ މުހައްމަދު އެވެ. 

މިނިސްޓްރީ އޮފް ހެލްތުގެ ތަފާސް ހިސާބުތަކުން ދައްކާ ގޮތުގައި މިޚިދުމަތް ހޯދާނެކަމަށް ލަފާކުރެވޭ މީހުންގެ އަދަދަކީ 16،621 އެކެވެ. މީގެ ކުރިން ދަތުގެ ފަރުވާ ހޯދުމަށްޓަކައި އަތޮޅުގެ އެކިރައްރަށުން ގިނަ އަދަދެއްގެ ބަލިމީހުން މާލެ އަދި ލ. ގަމު ރީޖަނަލް ހޮސްޕިޓަލްއަށް ރިފާރކުރެވިފައި ވެއެވެ. 

ތ. އަތޮޅު ހޮސްޕިޓަލުން އެވަރެޖްކޮށް ދުވާލެއްގެ މައްޗަށް 100ވުރެ ގިނަ މީހުން ޚިދުމަތް ހޯދައެވެ. މި ހޮސްޕިޓަލުގައި މިވަގުތު 5 ސްޕެޝަލިސްޓް ޑޮކްޓަރުން، 2 މެޑިކަލް އޮފިސަރުން، 11 ނަރުހުން އަދި ޓެކްނިކަލް 9 މުވައްޒަފެއް މަސައްކަތް ކުރަމުން ގެންދެއެވެ. 

ހޮސްޕިޓަލުން ޑެންޓަލް ޚިދުމަތް ދިނުމަށްޓަކައި ޤާއިމްކުރަންޖެހޭ ސެޓަޕްއަކީ ޖަޕާން ސަރުކާރުގެ ހިލޭ އެހީގެ ދަށުން ހަދިޔާ ކޮށްފައިވާ ސެޓަޕްއެކެވެ. މިފަދަ ޑެންޓަލް ސެޓަޕްއެއް ޤާއިމްކުރުމައްޓަކައި މިލިއަނެއްހައި ރުފިޔާ ޚަރަދުވެގެންދާނެއެވެ. އަދި މުވައްޒަފުންނަށް އަހަރެއްގެ މައްޗަށް ހިނގާނެ ހަރަދަކީ 650،000 ރުފިޔާ އެވެ.

މިފަދަ ޚިދުމަތެއް ޤާއިމް ކުރުމުން ޢާންމު ގޮތެއްގައި ދަތުގެ ފަރުވާ ދިނުމައް ކުރަންޖެހޭ ފަރުވާ މިހޮސްޕިޓަލްއިން ލިބިގެންދާނެއެވެ.

ފަހުގެ ލިޔުންތައް