އޮސްޓޮރޭލިއާ އަދި ޗައިނާއަށް ނިސްބަތްވާ ފަންނުވެރިން އޮކްޓޯބަރ މަހުގެ ކުރީ ކޮޅު ނެރުނު ދިރާސާ އެއްގައި ހިތުގެ ރިހެބިލިޓޭޝަން ދިނުން އަދި ހިތުގެ ބަލި ދެވަނަ ފަހަރަށް ނުޖެހިދިއުމަށް އެކަޝީގެންވުމުގައި މީސް މީޑިއާ ބޭނުން ކުރުމަކީ ރަނގަޅު، އެކަމެއް ފަސޭހައިން ކުރެވޭނެކަމެއް ކަމަށް ހެކިދައްކައިދެއެވެ. މި ދިރާސާ އަކީ ހިތުގެ ރިހެބިލިޓޭޝަން ދިނުމުގެ މީސް މީޑިއާގެ ގާބިލުކަންބެލި އެންމެ ފުރަތަމަ ދިރާސާއެވެ.
ހިތުބަލީގެ ރިހެބިލިޓޭޝަންގެ ހިދުމަތްތަށް އާންމު ގޮތެއެގައި ދެނީ ހޮސްޕިޓަލެއްގެ ކާޑިއޮލޮޖީ ޑިޕާޓްމަންޓުންނެވެ. މި ރިހެބިލިޓޭޝަންގައި ހިތުގެބަލިޖެހުމުގެ ހިރާސްތަށް ކޮންޓޮރޯލް ކުރުން އަދި ހިތުގެ ބަލިން ސާރޖިކަލް ނުވަތަ ސާރޖިކަލް ނޫން އޮޕަރޭޝަން މެދުވެރިކޮށް ސަލާމަތްވުމަށް ފަހު ދިރިއުޅެން ފަސޭހަވާނޭގޮތް ދަސްކޮއްދިނުން ހިމެނެއެވެ. މިހެން ނަމަވެސް ގިނަ ހިސާބުތަކުގައި އެކަމަށް ހާއްސަ ބައަކު ނެތުމުންނާއި އެކު ރިހެބިލިޓޭޝަންގެ ހިދުމަތްތަށް ދަނީ ރަނގަޅަށް ބޭނުން ނުކުރެވިއެވެ.
މި ދިރާސައިގަ ޗައިނާގެ ޝަންގްހައިގެ ހޮސްޕިޓަލަކުން ހިތުގެ ބައްޔައް ވަކި އޮޕަރޭޝަންއެއްކުރި ބަލިމީހުން މިދިރާސާއަށް ހިޔާރު ކުރިއެވެ. އަދި ހިތުބަލީގެ ރިހެބިލިޓޭޝަން ދިނުން އަދި ދެވަނަ ފަހަރަށް ބަލި ނުޖެހިދިއުމަށް މެދުވެރި ކުރުމުގެ ޕްރޮގަރާމެއް މީސް މީޑިއާގަ ހިމެނޭ "ވީޗެޓް" ގެ ޒަރިއްޔާއިން ހިނގިއެވެ. އަދި ސްމާރޓް ސީ.އާރް./ސީ.ޕީ ގެ ނަމުން ކިޔައި މި ޕްރޮގްރާމްގައި އޮޕަރޭޝަންއެއްކުރި ބަލިމީހުންގެ ބައެއް ބައިވެރިކުރެ ދެ މަސް، 6 މަސް އަދި 12 މަސްފަހުން ޕޮރޮގްރާމުގެ ނަތީޖާ ބަލާފައި ކާޑިއޮލޮޖީ ޑިޕާޓްމަންޓުގެ އޯ.ޕީ.ޑީ ގެ ހިދުމަތްތައް ލިބުނު ބަލިމީހުންނާއި އަޅައި ބެލިއެވެ.
"ވީޗެޓް" އެޕްއިން ޗެޓުކުރުން، އޮންލައިންކޮށް އުނގެނުން، ކަސްރަތުކުރެވޭ މިންވަރު ބެލުން، ޑޭޓާ ޓްރާންސްފަރ ކުރުން، މަލްޓިމީޑިއާ ބޭނުން ކުރުން، އެހެން މޮނިޓާ އެއް ގުޅުވައިގެން ލޭގެ ޕްރެޝާ އަދި ރޭޓް ބެލުމުގެ ހިދުމަތްތައް ލިބެންހުރެއެވެ. މި ހިދުމަތްތައް ބޭނުން ކޮށްގެން ހިތާއި ހިތުގެ ބަލި ތަކުގެ މައުލޫމާތު އުގަންނައިދީ، ކަސްރަތު ކުރަންވީ މިންވަރު ކިޔައިދީ، ސިއްހަތަށް ރަނގަޅު ކާނާގެ ނަސޭހަތް ލައިދިނުން، ގަވާއިދަށް ބޭސް ކެއުމަށް ހިތްވަރުދިނުން، ނަފްސާނީ ދުޅަހެޔޮކަން ދެމެހެއްޓުން އަދި ހިރާސްތައް މޮޑިފައިކުރުމުގައި އެހީތެރިވުން ފަދަ ކަންކަން މި ޕްރޮގަރާމްގައި ހިމެނުނެވެ.
މިދިރާސާގެ ނަތީޖާ އަކީ ޕްރޮގްރާމްގައި ބައިވެރިވި ބަލިމީހުން ހިތުގެ ބައްޔަށް ބޮޑަށް އަހުލުވެރިވެ، އޭގެ އިލުމު ބޮޑަށް އެނގިގެންދިއުމާއި ގަވާއިދުން ބޭސްކެއުން އިތުރުވުން އަދި، ލޭގެ ޕްރެޝަރާއި ހިތުގެ ރޭޓް ތިރިވުމެވެ. މީގެން ދައްކައިދިނީ ރިހެބިލިޓޭޝަންގެ ހިދުމަތް ފޯރުކޮއްދިނުމުގައި މީސްމީޑިއާގައި ހުރި ގާބިލުކަމެވެ. އަދި ހިތުގެ ބަލި ގިނަ ތަންތާގައި އޯ.ޕީ.ޑީ ގެ ރިހެބިލިޓޭޝަންގެ ހިދުމަތްތަކަށް އެކްސެސް ނުކުރެވޭ ފަރާތްތަކައް މި ދިރާސާގެ ހޯދުންތައް ވަރަށް މުހިއްމެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)