ހއ.ތަކަންދޫ ސިއްޙީ މަރު މަރުކަޒުގައި ލެބޯރޓްރީގެ ޚިދުމަތް ފެށީ 18 އޮކްޓޯބަރ ވާ ހުކުރު ދުވަހުއެވެ. މި ޙިދުމަތް ރަސްމީކޮށް ހުޅުވާ ދެއްވީ ރައީސުލް ޖުމްހޫރިއްޔާ އޮފީހުގެ މިނިސްޓަރ އަލްފާޟިލް މުޙައްމަދު ޝިފާޒް އެވެ.

 

މި ޚިދުމަތް ފެށުމަށްޓަކައި ބޭނުންވާ މެޝިންތަކާއި، ޓެސްޓްތައް ހެދުމަށް ބޭނުންވާ އެހެނިހެން ވަސީލަތްތައް މިހާރުވަނީ ތަކަންދޫ ޞިއްޙީމަރުކަޒުގައި ޤާއިމް ކުރެވިފައެވެ. 

ހއ.ތަކަންދޫއަކީ ގާތްގަނޑަކަށް 934 މީހުންގެ އާބާދީއެއް އޮންނަ ރަށެކެވެ. މި ރަށު މީހުން މީގެ ކުރިން ލެބޯޓްރީގެ ޚިދުމަތް ހޯއްދަމުން އައީ ހއ.ދިއްދޫ އަތޮޅު ހޮސްޕިޓަލުންނާއި އަދި ހދ.ކުޅުދުއްފުށީ ރީޖަނަލް ހޮސްޕިޓަލުންނެވެ. ތަކަންދޫން ދިއްދޫއަށް ދިއުމަށް ސްޕީޑްލޯންޗެއްގަ 20 މިނިޓް ހޭދަވާ އިރު ހދ. ކުޅުދުފުއްޓަށް ދިއުމަށް ސްޕޯޑްލޯންޗެއްގައި 45 މިނިޓް ހޭދަކުރަންޖެއެވެ. 

އެހެންނަމަވެސް، މޫސުން ގޯސްވެ ކަނޑު ގަދަވެއްޖެނަމަ މިފަދަ ދަތުރުތައްކުރުމަކީ ވަރަށް ތަކުލީފީ ކަމެއްކަމެއްކަމަށާއި، ރަށުން މިފަދަ ޚިދުމަތެއް ލިބިގެންދިއުމަކީ ރައްޔިތުންނަށް ލިބޭ ވަރަށްބޮޑު ހިތްހަމަޖެހުމެއްކަމުގެ އިތުރުން ލިބޭ ވަރަށް ބޮޑު ލުއިފަސޭހަކަމެއްކަމުގައި އެރަށު ރައްޔިތުން ޤަބޫލުކުރެއެވެ.  އެހެންކަމުން، މި ޚިދުމަތް މި ރަށުގައި ތަޢާރަފް ކުރުމުގެ ސަބަބުން މި ރަށުގެ ރައްޔިތުންނަށް ވަނީ ވަރަށް ބޮޑު ލުއި ފަސޭހަކަމެއް ލިބިފައެވެ.

ހއ. އަތޮޅުގައި ލެބޯރޓްރީގެ ޚިދުމަތް ލިބޭ ރަށްރަށަކީ ހއ.އިހަވަންދޫ ޞިއްޙީ މަރުކަޒު، ހއ.ހޯރަފުށި ޞިއްޙީ މަރުކަޒު، ހއ.ބާރަށް ޞިއްޙީ މަރުކަޒު، ހއ.ތުރާކުނު ޞިއްޙީ މަރުކަޒު، ހއ.ކެލާ ޞިއްޙީ މަރުކަޒު، ހއ.ފިއްލަދޫ ޞިއްޙީ މަރުކަޒު، ހއ. އުލިގަމު ޞިއްޙީ  މަރުކަޒުގެ އިތުރުން އަދި ހއ.ތަކަންދޫ ސިއްޙީ މަރުކަޒުންނެވެ.

ފަހުގެ ލިޔުންތައް