"ދަ ވައިޓް އައި ޑިޓެކްޓަރ" އަކީ މެށިން ލާރނިން ޓެކްނޮލޮޖީ ނުވަތަ އަމިއްލައަކަށް ލިބޭ މައުލޫމާތުން ދަސްކުރާ "ހުދު ލޯ" ނުވަތަ ލޫކޮކޯރިއާ ބަލީގެ އިތުރުން ކެޓަރެކްޓް، ރެޓިނޯބްލާސްޓޯމާ ފަދަ ބަލިތައް ހުރިތޯ ބަލާދޭ ހިލޭ ޑައުންލޯޑް ކުރެވޭ އެޕްއެކެވެ.

މިއީ ކޮންމެ މީހަކަށްވެސް ބޭނުންކުރެވޭ، އެންޑްރޮއިޑް އަދި އައި.އޯ.އެސް ގައި ލިބެން ހުރި އެޕް އެއްނަމަވެސް މިއީ ހާއްސަކޮށް ލޮލުގެ ބަލި ވަކި ކުރަން ނުވަތަ ބުނެދޭން ނޭނގޭ ފުރާގެ ކުޑަކުދިން ނަށް ބޭނުންކުރެވިދާނެ އެޕްއެކެވެ.

”ދަ ވައިޓް އައި ޑިޓެކްޓަރ" މިހާތަނަށް ވަނީ 40 ކުއްޖެއްގެ ބެލެނިވެރިން ފޮނުވާފައިވާ 50،000 ފޮޓޯބަލާ ޓެސްޓްކޮށް ފައެވެ. އޭގެތެރެއިން 20 ކުދިން ނަކީ ކުރިންވެސް ލޮލުގެ މައްސަލަ ހުރިކަމަށް ޓެސްޓް ކުރެވިފައިވާ ކުދިންނެވެ. ސައިންސް އެޑްވާންސް ގައި އޮކްޓޯބަރ 2 ވަނަ ދުވަހު ޝާއިޢު ކުރެވިފައިވާ ދިރާސާގައިވާ ގޮތުންނަމަ މި އެޕްއިން ވަނީ ޔަގީން ކަމާއެކު 30 އިންސައްތަ ފޮޓޯގައި ބަލީގެ ނިޝާންތައް ފާހަގަކޮށްފައެވެ.

80 އިންސައްތަ ފޮޓޯތަކުގައި މި އެޕް އިންވަނީ އާދަޔާ ޚިލާފު ކުލައެއް ހުރި ލޯތައް ފާހަގަކޮށްފައެވެ. އަދި މި ކުދިން ބައްޔަކަށް ޑަޔަގްނޯސް ވުމުގެ 1.3 އަހަރުގެ ކުރިން އެވެރެޖްކޮށް މި އެޕްއިންވަނީ ބަލިތައް ފާހަގަކޮށްފައެވެ.

"ހުދު ލޯ ފާހަގަކުރެވޭ ކުދިންގެ ބެލެނިވެރިން އެކުދިން ޑޮކްޓަރަކަށް ދެއްކުން މުހިންމު،" ޔޫކޭގެ ރޮޔަލް ލަންޑަން ހޮސްޕިޓަލްގެ ރެޓިނޯބްލާސްޓޯމާ ކޮންސަލްޓެންޓްއެއް ކަމަށްވައި އެޝްވިން ރެޑީ ވަނީ ވިދާޅުވެފައެވެ. ނަމަވެސް އޭނާވަނީ މި އެޕްގެ ސަބަބުން ގިނަބަޔަކު ކަމަކާ ނުލާ ޗެކަޕް ކުރަން އަންނާނެކަމުގެ ބިރުވެސް ހާމަކޮށްފައެވެ.

ބެއިލާ ޔުނިވާރސިޓީގެ ސައިންޓިސްޓުންތަކެއް މެސަޗޫސިޓްސް އައި އެންޑް އިއާރ އިނފާރމަރީ، ހާރވާޑް މެޑިކަލް ސްކޫލް އަދި ޑާނާ-ފާރބާރ ކެންސަރ އިންސްޓިޓިއުޓް ގެ އެހީގައި ވަނީ މިފަދައިން ކުޑަކުދިންގެ ފޮޓޯ އެނަލައިޒް ކޮށްގެން ހުދުލޯ ފާހަގަކުރާ ސްމާރޓް އެޕް އެއް ހަދާފައެވެ. އެމީހުން ސައިންސް އެޑްވާންސް ޖާރނަލްގައި ޝާއިޢުކުރި ދިރާސާގައި ވަނީ މި އެޕް ހެދި ގޮތާއި، ޓެސްޓްކުރި ގޮތުގެ އިތުރުން މަސައްކަތް ކުރާގޮތް ވަރަށް ތަފްސީލްކޮށް ކިޔާދީފައެވެ.

ގާތްގަނޑަކަށް އެންމެނަށްވެސް މިދަންނަވާ އާދަޔާ ޚިލާފް ގޮތަކަށް ލޯހުންނަ ފޮޓޯ އެނގިވަޑައިގަންނަވާނެއެވެ. ލޮލުގެ ކަޅި ފިލްމީ ޖިންނިއެއްހެން ރަތްކުލައިން ދިއްލިފައި ހުންނަ ފޮޓޯތަކެވެ. މިހެން ވަނީ ކަޅިއެތެރޭ އަލި ފެތުރުމުންނެވެ. ނަމަވެސް މިހެން ހުދު ކަޅިއެއް ހުރުމުގެ މާނައަކީ ލޮލުގެ ބައްޔެއް ހުރުމެވެ. ބައެއް ފަހަރު މިހެން ހުދުވުން ބޭރުގެ އަލީގެ ސަބަބުންވެސް ވެދާނެއެވެ. މިފަދަ ބަލިތަކުގެ ތެރޭގައި ރެޓްނޯބްލާސްޓޯމާ، ކެންސަރުގެ ބާވަތެއް ކަމަށްވާ ރެޓިނޮޕަތީ އަދި ކެޓެރެކްޓްސް އަށްވެސްވެދާނެއެވެ.

މި ސައިންސްވެރިންގެ ހޯދުންތަކުން އެނގޭގޮތުގައި ޓެސްޓްހެދުނު 20 ކުދިން ތެރެއިން 16 ކުދިންގެ ބަލިހުރިކަމަށް ފެނުނެވެ. މީގެ އިތުރުން މި ހޯދުންތައް ކުޑައިރު ފާހަގަވެގެން ދިޔައެވެ. ދިރާސާވެރިން މި އެޕް އަކީ ކޮންމެ ބެލެނިވެރިޔަކަށް ވެސް ބޭނުންކުރެވޭނެހެން ހުރި ފަސޭހަ އެޕްއެއް ކަމަށް ފާހަގަ ކުރެއެވެ.

މި އެޕް ހެދުމުގައި ބައިވެރިވި އެއް ސައިންޓިސްކަމުގައިވާ ޝޯ ވިދާޅުވާގޮތުގައި " އަޅުގަނޑުމެން ބޭނުން ވީ ލޫކޮކްރިއާގެ ނިޝާންތައް ލޮލުގެ ކަޅީގެ ކުލަޔާއި ތަފާތުތަކުން ހޯދަން. މި ބަލި ހުންނަ ކުއްޖެއްގެ ބެލެނިވެރިއެއްގެ ހައިސިއްޔަތުން "އަޅި ލޯ" ހުންނަ ލޮލާ ލޫކޮކޯރިއާ އާއި ހުރި ގުޅުން ހޯދުމަށް ވަރަށް ޝައުގުވެރި ވި މިއީ ކުރަން އުނދަގޫކަމެއް ކަމުގައި ވީނަމަވެސް"

ފަހުގެ ލިޔުންތައް