މ.ދިއްގަރުގެ ޕަބްލިކް ހެލްތު ޔުނިޓް އަދި ފިޓްޒޯން އާއި އިންސްޓިޓިއުޓް ފޯ މެންޓަލް ވެލްބީންގ ގުޅިގެން 11 އޮކްޓޯބަރު ވާ ހުކުރު ދުވަހު ޚާއްސަ ހަރަކާތްތަކެއް ހިންގަން ވަނީ ހަމަޖެހިފައެވެ.

އެގޮތުން ފުރަތަމަ ހަރަކާތަކީ ފުޓްސަލް ދަނޑުގައި އޮންނަ ކަސްރަތު ޕްރޮގްރާމެކެވެ. މިޕްރޮގްރާމަށް ދެވިފައިވާ ނަމަކީ "ދުޅަހެޔޮ ކަސްރަތު، ދުޅަހެޔޮ ދުވުން" މިއެވެ. އަދި މި ޕްރޮގްރާމް ހިންގުމާއި ހަވާލުވެފައިވަނީ ފިޓްޒޯންގެ ފިޓްނަސް މާސްޓަރ ޓްރެއިނަރ އެކެވެ. 

މި ޕްރޮގްރާމުގައި އެކުލެވިގެންވަނީ ދުވަން ފެށުމުގެ ކުރިން ކުރާ ހަރަކާތްތަކެކެވެ. އަދި މިޕްރޮގްރާމް ފެށެނީ ހަވީރު 4 ޖަހާއިރެވެ. މީގެ އިތުރުން ދުވުން ނިމުމުން ނަފްސާނީ ދުޅަހެޔޮ ކަމާބެހޭ މައުލޫމާތު ފޯރުކޮށް ދެވޭނެއެވެ. މަޤްސަދަކީ ހޭލުންތެރިކަން އިރުތުކޮށް ގިނަ ބަޔަކަށް އެހީތެރިކަން ފޯރުކޮށް ދިނުމެވެ.

މިއާއެކު ދެވަނަ ހަރަކާތަކީ ނަފްސާނީ ދުޅަހެޔޮކަމަށް އެހީތެރިކަން ބޭނުންވާ ފަރާތްތަކަށް ކައުންސެލިންގ ދިނުމެވެ. އެހީތެރިކަން ބޭނުންވާ ފަރާތްތަކަށް އިންސްޓިޓިއުޓް ފޯ މެންޓަލް ވެލްބީންގ ގެ ޚާއްސަ ޓީމާއި ވާހަކަ ދައްކާލުމުގެ ފުރުސަތު ލިބިގެން ދާނެއެވެ.

މިފުރުސަތު ބޭނުންވާ ފަރާތްތަކުން ނަން ނޯޓުކުރެއްވުމަށް 7827685 އާއި ގުޅުއްވާށެވެ. ކައުންސެލިންގ ހޯދާ ފަރާތްތަކުގެ މައުލޫމާތު ސިއްރުކުރެވޭނެއެވެ.  

އިސްތިހާރު

ފަހުގެ ލިޔުންތައް