އަޑުފޮއްޓާއި ނޭވާލާ ހޮޅީގެ ކެންސަރެއް އައި.ޖީ.އެމެ.އެޗްގެ ޓީމުން ކާމިޔާބު އޮޕަރޭޝަނެއްކޮށް ނަގައިފިއެވެ.
މި ޓީމުން އިސްކޮށް ހަރަކާތްތެރިވެފައިވަނީ ރާއްޖޭގެ ހަމައެކަނި އޮންކޯ ސާރޖަން ޑރ. ޝިފާން އެވެ. ޓީމުގައި ދެން ހިމެނެނީ އައި.ޖީ.އެމް.އެޗްގެ ސާރޖަރީ ޓީމެވެ. އައި.ޖީ.އެމް.އެޗް އިން ވަނީ ޓްވިޓާ ގައި މިކާމިޔާބީ އިއުލާން ކޮށްފައެވެ.
ދިވެހި ރާއްޖޭގައި ފުރަތަމަ ފަހަރަށް ކާމިޔާބު ކަމާއެކު އަޑުފޮއްޓާ ، ނޭވާލާހޮޅީގެ ކެންސަރެއް އޮޕަރޭޝަން ކޮއްނަގައި ފި. މި ސާރޖަރީ ކާމިޔާބު ކަމާއިއެކު ކުރެއްވީ ރާއްޖޭގެ ހަމައެކަނި އޮންކޯ ސާރޖަން ޑރ .ޝިފާންއާއި އައީ.ޖީ.އެމް.އެޗްގެ ސާރޖަރީ ޓީމްއެއް.
— IGMH (@igmhmv) October 8, 2019
@dr_shifan @MoHmv @psmnewsmv #IGMH pic.twitter.com/EbxZWXqCP4
ލަރިންޖިއަލް ކެންސަރ ނުވަތަ އަޑުފޮށީގެ ކެންސަރަކީ އަޑުފޮށީގެ ޓިޝޫތަކުގައި ކެންސަރ ސެލްސް އުފެދުމެވެ. މީގެ ބައެއް އަލާމާތްތަކަކީ ކަރުގައި ރިއްސުމާއި ކަންފަތުގައި ރިއްސުމެވެ.
ޓެރްކިއަލް ކެންސަރ ނުވަތަ ނޭވާލާ ހޮޅީގެ ކެންސަރަކީ އާންމު ކެންސަރެއް ނޫނެވެ. މިބަލީގެ ބައެއް އަލާމާތްތަކުގެ ތެރޭގައި ކެއްސާ އިރު ލޭ އައުން، އަޑު ކުރަކިވުން، ދިރުވަން އުނދަގޫވުން އަދި ނޭވާ ހާސްވުން ހިމެނެއެވެ.
މިކެންސަރުތައް އިންސާނާގެ ހަށިގަނޑުން ދެނެގަތުމަށްޓަކައި އަނގައާއި ކަރުގެ ޓެސްޓުތަކެއް ހަދަންޖެހެއެވެ. މީގެ ތެރޭގައި ސީ.ޓީ އަދި އެމް.އާރް.އައި ސްކޭނާއި ބައޮޕްސީ ހިމެނެއެވެ.
ޓިއުމަރ ނެގުމަށްފަހު އާންމު ގޮތެއްގައި ބަލިމީހާއަށް ދެން ދެވޭނީ ރޭޑިއޯތެރަޕީއެވެ. އެއީ އަލުން ކެންސަރު އުފެދުމުގެ ފުރުސަތު ކުޑަކުރުމަށެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)