ކެމިކަލް ގުދަންތަކެއްގައި ރޯވެ މާލޭގައި މިދިޔަ ހުކުރު ދުވަހު ހިނގައިދިޔަ އަލިފާނުގެ ހާދިސާގެ ސަބަބުން ވެހެމުން ދާ ވާރޭ އެސިޑިކް ވެދާނެ ކަމުގެ ވާހަކަދެކެވެމުން އެބައާދެއެވެ. ނަމަވެސް ރާއްޖޭގެ ފުޑް އެންޑް ޑްރަގް އޮތޯރިޓީއިން ވަނީ މި ސުވާލުތަކަށް ޖަވާބެއް ހޯދައިދީފައެވެ. މިދިޔަ އާދިއްތަ ދުވަހު އާންމު ކުރެވުނު ޓެސްޓް ނަތީޖާތަކުން އެނގޭގޮތުން ވާރޭގައި އެސިޑް އެއް ނެތެވެ. މާލެ އަދި މާލެކައިރި ސަރަހައްދުން ނެގި ސާމްޕަލްތަކުގައިވެސް އެސިޑްގެ އަސަރެއް ނެތްކަމަށް އެއިދާރާއިން ވަނީބުނެފައެވެ.
މިދިރާސާކުރެވިގެން ދިޔައީ 400 މީހުނަށް އަސަރުކުރި އަލިފާނުގެ ހާދިސާގެ ސަބަބުން އާންމުގެ މެދުގައި ހިތްނުތަނަވަސް ތަކެއް އުފެދުމުންނެވެ. ވާރޭގައި އެސިޑް ނެތްނަމަވެސް ވައިގައި އަޅި އަދި ދުމުގެ އަސަރުތައް ހުރުމުގެ ފުރުސަތު އެބައޮތެވެ. ވީއިރު އެކަމަށް ކޮންމެސްވަރަކަށް ވިސްނާލުން މުހިންމެވެ. ނަމަވެސް އަޅުގަނޑުމެން މިދެންނެވީ ޔަގީންކަމާއިއެކު އެފަދަ ބިރެއް ވާ ވާހަކައެއް ނޫނެވެ. އަލިފާނުގެ ހާދިސާ ހިނގި ހިސާބު ކައިރީގައި ދިރިއުޅޭ ބޭފުޅުން މިކަމަށް ސަމާލުވުން މުހިއްމެވެ. އެތަން ސާފުވަންދެން އަނގަޔާއި ނޭފަތް ނިވާކުރެވޭ ވަސީލަތެއް ބޭނުންކުރުން ރަނގަޅެވެ.
ހާދިސާގެ ސަބަބުން އަސަރު ކުރި ހުރިހާބޭފުޅުންނަށް އަޅުގަނޑުމެންގެ ހެޔޮ ދުއާ ރައްދުކުރަމެވެ. އަދި މި ހާދިސާ ގައި ހަރަކާތްތެރިވެ އެތައް ބައެއްގެ ފުރާނަ ސަލާމްތް ކޮށްދިން ބޭފުޅުން ނަށް ފަށްފަށުން ތައުރީފް ރައްދުކުރަމެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)