އޮގަސްޓް މަހުގެ 15 ވަނަ ދުވަހަކީ ދުނިޔެ ސިއްސުވާލާ ސިއްހީ ރިކޯޑެއް މުގުރާލި ދުވަހެކެވެ. ވަރަށް ވެސް އާދަޔާޚިލާފު ހާދިސާއެއް ހިނގި ދުވަހެކެވެ. އެދުވަހަކީ ޗެކް ރިޕަބްލިކް ގައި 2.31 ކިލޯގެ ބަރުދަނާ އެކު ކުއްޖެއް އުފަންވި ދުވަހެވެ. އެހެނަސް މި ކުއްޖާގެ މަންމަގެ ސިކުނޑި ވަނީ މި އަހަރު އޭޕްރިލް މަހު މަރުވެފައިކަމަށް ޑޮކްޓަރުން އެންގިއެވެ. މި އަންހެން މީހާއަށް ސްޓޮރޯކެއް ޖެހިމުން ހެލިކަޕްޓްރެއްގައި ވަރަށް ކުއްލި ގޮތަކަށް ހޮސްޕިޓަލަށް ގެނެވުނެވެ. ގެނައިރު އޭނާ ސަލާމަތްވުމުގެ ފުރުސަތު ކުޑައިރު އޭނާގެ ބަނޑުގައި އޮތް އޭރު 15 ހަފްތާގެ ދަރިފުޅު ސަލާމަތްވުމުގެ ފުރުސަތު އެއަށް ވުރެ ވެސް ކުޑައެވެ.

އަންހެންމީހާގެ ސިކުނޑި މަރުވެފައިވާކަމަށް ހޮސްޕިޓަލަށް ގެނައިތާ މާގިނައިރުނުވަނީސް ޑޮކްޓަރުން ނިންމި އިރު އޭނާގެ ދަރިފުޅު ސަލާމަތްކުރުމަށްޓަކައި ޑޮކްޓަރުން ވަނީ އަންހެން މީހާގެ ހަށިގަނޑު ދިރުވާފައެވެ. އާޓިފިޝަލް ލައިފްސަޕޯޓެއްގައި މިއަންހެން މީހާ 117 ދުވަސް ވަންދެން ބޭއްވުމަށް ފަހު ސިސޭރިއަން ހަދާ ދަރިފުޅު ވިހެއީ ޑޮކްޓަރުންގެ މިންނަތް މަސައްކަތުން ރިކޯޑެއް ވެސް މުގުރާލާފައެވެ. ޑޮކްޓަރުން ވަނީ މަންމަގެ ހިތާއި، ނޭވާލާނިޒާމް އާއި ކިޑްނީގެ އިތުރުން އެހެނިހެން ގުނަވަންތައްވެސް ދިރުވާފައެވެ. ދަރިފުޅު ވިހެއީ ބައްޕަ އާއި އާއިލާގެ ހާޒިރުގައެވެ. އަދި މަންމަގެ ލައިފްސަޕޯޓް ކަނޑާލެވުނީ ވެސް އެންމެންގެ ހާޒިރުގައެވެ. ދަރިފުޅަށް ކާންދެނީ އޭނާގެ ބޮޑުދައިތައެވެ. އާއިލާއިން ނަން ހާމަކުރަން ބޭނުން ނުވާ މި މަންމަ ވިހެއީ 34 ވަނަ ހަފްތާގައެވެ.

ހޮސްޕިޓަލުގެ އިސް ޑޮކްޓަރެއް ކަމަށް ވާ ޕަވެލް ވެންޓޫރާ ވިދާޅުވީ "މިއަކީ ވަރަށްވެސް އާދަޔާ ޚިލާފު ހާދިސާއެކެވެ. ނަމަވެސް މިފަދަ ނިންމުމަކަށް އައުމަށް މަގުފަހިވީ އާއިލާއިން ދިން ފުރިހަމަ އެއްބާރުލުމާއި އެކީގައެވެ". ހަމަ މިކަހަލަ ހާދިސާއެއް 2016 ވަނަ އަހަރު ބްރެޒިލްގައި ވެސް ވަނީ ހިނގާފައެވެ.

އިސްތިހާރު

ފަހުގެ ލިޔުންތައް