އިންސާނާގެ ހަށިގަނޑު ދުވަސްވުމުގައި ނުވަތަ މުސްކުޅި ވުމުގައި ސިކުނޑި އޮތް ހާލަތު ބޮޑު ދައުރެއް އަދާކުރެއެވެ. ބުއްދީގެ ހާލަތޭ މި މާނަކުރެވެނީ އެމީހެއްގެ ނަފްސާނީ ހާލަތު އޭރެއްގައި ހުރި ގޮތަށެވެ. ސީދާ ވަކި ބާވަތެއް ކަނޑައަޅަން އުނދަގޫނަމަވެސް، އާދައިގެމަތިން މީހުން ކިބައިން ފެންނަ ތިން ވައްތަރެއް ވެއެވެ. އެއީ "އޮޕްޓިމިސްޓިކް"، "ޕެސިމިސްޓިކް" އަދި "ނިއުޓްރަލް" އެވެ. މި ތިން ބާވަތުގެ ސަބަބުން އިންސާނާ "މުސްކުޅިކޮށްދޭން" މަގުފަހިކޮށްދޭ ގޮތަކީ ޝައުގު އުފެދޭ މައުލޫއެކެވެ.

އެގުތުން "ހުމާނާ" ކިޔާ ޖަމިއްޔާއަކުން ވަރަށް ފަހުން ހޯދި ހޯދުންތަކުން އެނގޭގޮތުގައި، ޓެސްޓު ތަކެއްގައި ބައިވެރިވި "އޮޕްޓިމިސްޓިކް" (ހަޔާތާއި މެދު ރަނގަޅަށް އުއްމީދު ކުރުން) މީހުންގެ ތެރެއިން:

• 39 އިންސައްތަ މީހުން ގެ ހިއްވަރު އިތުރުވެ ގަދަ ކަމަށް ވެއެވެ.
• 49 އިންސައްތަ މީހުން އުފާވެރިކަން އިހުސާސް ވާކަމަށް ވެއެވެ.
• 31 އިންސައްތަ މީހުންގެ ނިދި ކުރިއައްވުރެ ރަނގަޅުވިކަމަށް ވެއެވެ.

މީގެންވެސް މިދައްކައިދެނީ އުމުރުން ދުވަސްވީ މީހުން، އެމީހުންގެ ހަޔާތާއި މެދު ދެކޭގޮތް ބަދަލުކޮށްލުމުން ހަށިގަނޑަށް އަންނަ ބަދަލުތަކެވެ.

މި ކަމަކީ ކުޅުންތެރީންގެ ކިބައިން ހާއްސަކޮށް ފާހަގަ ވާކަމެކެވެ. އޭގޮތުން އެންމެ ބޮޑަށް ފާހަގަ ވާ އެކަކީ އޮލްގާ ކޮޓެލްކޯއެވެ. އޭނާ ވަނީ ކަސްރަތުގެ ދުނިޔެ ހައިރާން ކޮއްލާ އުމުރުން 90 އަހަރުގައިވެސް އެދާއިރާއިން ކުރިއެރުންތައް ހޯދައިފައެވެ. އޮލްގާ ވަނީ 750 ރަން މެޑަލް އާއި 37 ރެކޯރޑް ދުނިޔޭގެ ފެންވަރުގައި އެކި ކުޅިވަރުން ހޯދާފައެވެ. އޮލްގާ އޭނާގެ ކާމިޔާބީ އާދޭތެރޭ ވާހަކަދައް ކަމުން ވިދާޅުވީ "ތިމަންނަގެ ސިއްހަތުގެ ހުރިހާ ސިއްރުތަކުގެ ތެރެއިން، އަހަރެންނަށް ހީވާގޮތުގައި "އޮޕްޓިމިސްޓިކް" ވުން ވަރަށް މުހިންމުކަމަށެވެ. ކޮންމެ ދުވަހެހްވެސް އަހަރެން ފެށޭތޯބަލަނީ ހިނިތުންވުމަކުންނެވެ. ކަމަކާ ރުޅި އައިއްސިނަމަ ނުވަތަ މާޔޫސް ވެއްޖެނަމަ އެކަމުން ސަލާމަތް ވުމަށް އަވަސްވެގަންނަމެވެ. މާޔޫސްވުމަށް ވުރެ މުހިންމު ކަންތަކުރަން އެބަހުއްޓެވެ."

ހެޔޮކޮށް ވިސްނުން ގެންގުޅެއޭ ކިޔާފައި އަދި މުސްކުޅިވުމުން ސަލާމަތް ނުވިނަމަވެސް އޭގެ ސަބަބުން މުސްކުޅިވުމުގެ ދަތުރު ފަސޭހަވެގެންދާކަމީ ސައިންސް އިން އެނގެން އޮތްކަމެކެވެ. އެންމެފަސޭހަކޮށް ކިޔާދޭނަމަ ތިމާ މާމުސްކުޅި އޭކިޔާފައި އަބަދު އެނދުމަތީ އޮންނަ މީހާ ކަސްރަތު ނުލިބި އެކެނިވެރިކަން އިހުސާސްވެ އޭނާގެ ސިއްހަތައް އެތަކެއް އަސަރެއް ކުރެއެވެ. ނަމަވެސް އެއާޚިލާފަށް މުސްކުޅިކަން އުޛުރެއް ކަމުގައި ގަބޫލުނުކޮށް ކަސްރަތާއި އިތުރު ހަރަކާތް ތަކުގައި ބައިވެރި ވާނަމަ އޭނާގެ ސިއްހަތާ ނަފްސާނީ ހާލަތު ރަނގަޅުވެއެވެ. އޭގެސަބަބުން ސައިކަލް އެއް އުފެދި ކުރިއެރުން ލިބެއެވެ.

ސައިންސްގެ ދުނިޔޭގައި މިޔަށް ކިޔާއުޅެނީ "ކޮގްނެޓިވް" އުމުރެއް ހުރުމެވެ. ހަށިގަނޑުގެ އުމުރަށްވުރެ ތަފާތު ހަގު ސިކުނޑީގެ އުމުރެއް ހުރުމެވެ. 2009 ވަނަ އަހަރު ނެރުނު "Marketing to Seniors: Age Really is a State of Mind" ލިޔުމުގައި ވާގޮތުންނަމަ ތިމާގެ އުމުރު ހަގުކަމަށް ދެކޭމީހުން ސިއްހީ ގޮތުން ރަނގަޅުވެ، ހަޔާތާ މެދު ދެކޭގޮތާ، އުމުރާދޭތެރޭ އޮންނަ މިޒާޖު ރަނގަޅުވެ ހަރަކާތްތެރިކަން އިތުރުވެއެވެ.

ނިންމާލަމުން ދަންނަވާލަން އޮތީ، ހަޔާތާމެދު ހެޔޮކޮށް ހިތާށެވެ. މުސްކުޅި ވީކަމަށް ނިންމާނުލާ އުޅެފިނަމަ ތިމާ ކޮންމެ ކަމަކުން ކުރިއެރުން ލިބި ކުރިމަގު އުޖާލާވެގެންދާނެއެވެ. 

އިސްތިހާރު

ފަހުގެ ލިޔުންތައް